Башҡорт теле көнө

Башҡортостан Башлығы Указына ярашлы, 14 декабрҙә республикала Башҡорт теле көнө билдәләнә. Уның сиктәрендә "Күбәләктәр" төркөмөндә башҡорт халыҡ шағирҙәре Аҡмулла, Мостай Кәрим, Рәми Ғәрипов шиғриәте менән танышыу, Г. Йыһангированың шиғырҙары буйынса ҡала кимәлендә бәйгелә ҡатнашыу (Көнсыуаҡова Самина - Гран-при, Хунафина Нурия - 3 урын яуланы), һанашмаҡлы башҡорт уйындарын өйрәнеү, дидактик куб ярҙамында ғаилә ағзаларының атамаһын нығытыу һәм башҡа саралар ойошторолдо.
Был саралар кескәйҙәрҙә туған телгә һөйөү тәрбиәләү, башҡорт телен популярлаштырыу, һаҡлау һәм үҫтереү маҡсатында үткәрелде.

#Башҡорттелекөнө
#Туғантелембашҡорттеле
#Минбашҡортсаһөйләшәм