Ата-әсәләргә мастер-класс

Телмәр кәмселектәре булған балаларҙың телмәрҙәрен үҫтереүҙә «Логикомалыш» планшетының ҡулланылышы темаһына ата-әсәләргә мастер-клас.
Телмәр - ул кешегә хас булған төп психик функция. Балаларҙың телмәрен үҫтереү маҡсатының мөһимлеге һәм кәрәклеге бөгөнгө көндә арта төшә, сөнки балаларға киләсәктә йәмғиәттә лайыҡлы урын алыу өсөн күп көс һалырға тура киләсәк. Был осраҡта уларҙың төп сараһы - тел. Ә телдең үҫеше телмәргә бәйләнгән.
Хәҙерге заманда телмәр үҫтереү уйындары бихисап, шуларҙың береһе - «Логикомалыш» баланы төрлө йүнәлештәрҙә үҫтереү уйыны.
Башҡорт логопед төркөмө ата-әсәләре телмәр үҫтереү йүнәлешендә мастер-класта әүҙем ҡатнаштылар. Методик тәҡдимдәрҙән һуң «Өндән һүҙгә», «Ижектән һүҙгә», «Ижекте тот» карточкалары ярҙамында телмәр үҫтереү уйындарын төрлөләндереп уйнап ҡаранылар.
Ата-әсәләр өсөн үткәрелгән мастер-класс бик уңышлы үтте. Артабан да логопед төркөмө балаларының телмәрҙәрен үҫтереүҙә был йүнәлештә әүҙем, бәйләнешле хеҙмәт һис шикһеҙ уңыштар яуларға ярҙам итәсәк.
#Башҡортлогопедтөркөмө
#Телмәрүҫтереү
#Мәктәпкәәҙерлек